Sancionados por reclamar "Freedom for Kurdistan"
Archivado en Denuncias • Fecha: 16-02-2007 09:35
Parece que a mensaxe Freedom for Kurdistan (Liberdade para o Kurdistán), exhibida nas gradas durante o encontro da Copa da Uefa entre o Celta de Vigo e o Fenerbace turco, o pasado 30 de novembro do 2006 no estadio de Balaídos, non gustou aos directivos do clube turco presentes no partido. O que é máis sorprendente é que iso provocase unha reacción inmediata da policía nacional, atenta para cortar a liberdade de expresión nun campo de xogo cando se trata de mostrar solidariedade cun pobo oprimido, e tantas veces inactiva ante a exhibición de simboloxía que si é delictiva estritamente (simboloxía preconstitucional ou racista en diversos campos do estado español).
Ademáis, a Subdelegación do Goberno en Pontevedra sancionou con 4.000 euros á Asociación de Solidaridade con Kurdistán, nunha infracción administrativa cualificada como grave. De verdade considera o goberno español que é grave e sancionábel esixir o respeito para os dereitos do pobo kurdo, algo que até lle esixiu o Parlamento europeo a Turquía? Para culminar o despropósito, os denunciados nen sequera foron os autores da exhibición da pancarta, que foi exhibida por outro grupo de siareiros.
Fonte: Sancionados por reclamar "Freedom for Kurdistan"
Referencias (URL para referencias)
Comentarios
Comentar
Esta obra está baixo unha licencia de Creative Commons.
ADN.es Medio Oficial Premios Bitacoras 2008: