:: INFÓRMATE dende a Galiza ::

O canon dixital pon en xaque ao sector tecnolóxico

Archivado en Propiedade Intelectual • Fecha: 14-02-2007 09:37

O canon digital representa en certos produtos ata o 60% do prezo final. Mentres, as entidades de dereitos seguen reclamando, como en España, maior cuantía nas taxas.

En marzo de 2000, os Estados membros da UE acordaron na denominada Axenda de Lisboa que a economía europea únicamente podería afrontar o reto da globalización cunha aposta por un crecemento baseado no coñecemento e a innovación.

Tan só un ano despois, a UE aprobou unha directiva que estableceu un sistema de compensación por copia privada para os creadores de obras protexidas por dereitos de autor.É o denominado canon digital. Esta taxa aplícase sobre todo tipo de soportes tecnolóxicos "CD, DVD, MP3 e iPod, entre outros" capaces de almacenar ou reproducir obras musicais ou videográficas.

O canon naceu co obxectivo de compensar o suposto dano económico que supón aos autores a realización de copias privadas dos seus traballos por particulares "por exemplo, gravar un disco para escoitar no coche". O problema consiste en que cada Estado membro aplica a taxa dun modo moi diverso. De feito, Chipre, Irlanda, Malta, Luxemburgo e Reino Unido carecen deste gravame.

Agora, os presidentes das principais compañías tecnolóxicas do planeta reclaman nunha carta ao presidente da Comisión Europea (CE), José Manuel Durao Barroso, que cumpra cos compromisos adquiridos coa industria. En primeiro lugar, homoxeneizar un mercado que, supuestamente, é único e uniforme. E, en segundo termo, impoñer unha taxa proporcional nunca superior ao 5% do prezo final do produto. A CE fixo caso omiso e, de momento, non se pronuncia sobre tan polémica cuestión.

O sector tecnolóxico é, precisamente, unha industria crave no ámbito do coñecemento e a innovación. Os empresarios, con todo, temen que a aplicación dun canon "abusivo e indiscriminado" provoque unha importante perda de competitividad fronte a outros países que carecen deste tipo de medidas. A deslocalización é un risco plausible, segundo poñen de manifesto algúns dos datos que aportaron as empresas na misiva enviada a Barroso.

As entidades de xestión de dereitos de autor obtiveron por este concepto preto de 950 millóns de euros en Europa, en 2005. Segundo o informe, dita cifra podería alcanzar os 1.500 millóns en 2006 e, o próximo ano, superar os 2.700 millóns. O canon dixital representa en certos produtos ata o 60% do prezo final. Mentres, as entidades de dereitos seguen reclamando, como en España, maior cuantía nas taxas e estender o número de produtos gravados.

Xa hai 944.000 firmas contra o canon. A túa firma conta.

Firma aquí

Fonte: El canon digital pone en jaque al sector tecnológico a partir dun artigo orixinal de Manuel Llamas en Expansión