:: INFÓRMATE dende a Galiza ::

V Xornadas de Bioconstrución e Enerxías Renovables na Coruña

Archivado en Ecoloxía • Fecha: 16-11-2006 22:03

Departamento de Edificación e Obra civil. IES SOMESO (A Coruña)
Do 13 de novembro ó 1 de decembro de 2006
Coordinación: Juan Bello Llorente

PRESENTACIÓN

O departamento de Edificación e Obra Civil propón a organización das V Xornadas sobre Bioconstrución e Enerxías Renovables como continuación da liña iniciada anos anteriores de ofrecer unha serie de actividades complementarias ás materias que se están a impartir nos diferentes ciclos da familia profesional e nas que destaca como característica principal o respecto polo medio ambiente e a saúde.

Estas actividades pretenden ser un complemento ós programas oficiais para ofrecer unhas ensinanzas máis completas cara á preocupación, cada vez máis intensa, da sociedade con respecto á proteción do medio ambiente e da saúde.

A bioconstrución é a forma de construír respectuosa coa vida na súa acepción máis ampla, xa sexa a vida dos moradores de ditas construcións, coma a vida do entorno máis ou menos próximo, e tamén a vida do planeta no seu conxunto, que cada vez están máis ameazadas polas diferentes actividades realizadas en nome dun desenvolvemento que di estar a procura de benestar para todos.

A produción da enerxía que facilite a realización das actividades da sociedade no seu planeamento actual é unha das ameazas máis fortes sobre o medio ambiente e que están a poñer en perigo a continuidade da vida no planeta. Efecto invernadoiro, quentamento global da atmosfera, choivas ácidas, etc. son consecuencias dunha liña de progreso claramente errado do que os nosos alumnos, como membros das novas xeracións teñen que ser conscientes para ter a posibilidade de mellorar a situación na medida da súa capacidade. Neste ámbito, desenvolver unha cultura do aforro enerxético é fundamental, xa que a enerxía que menos custa é a que non é necesario producir. Ademais, a produción por medio das enerxías renovables ofrece un modelo de desenvolvemento máis sostible que o actual.

Tras a aprobación do novo Código Técnico da Edificación, no que se fan obrigatorias as instalacións solares nos edificios, faise necesario a ampliación dos contidos impartidos nos ciclos formativos neste ámbito.

ANTECEDENTES

Na anterior ubicación da familia de Edificación e Obra Civil, o IES Fernando Wirtz, o profesor Juan Bello LLorente, no ámbito das actividades complementarias realizadas polo departamento e tamén no das extraescolares promovidas polo Grupo de Educación Ambiental que alí dirixía, realizou dende o curso 92-93 e de xeito continuado unha serie de actividades relacionadas coa enerxía solar, o aproveitamento enerxético, a reutilización e a reciclaxe de materiais, así como na sensibilización ambiental da comunicade escolar mantendo unha evolución constante. Gran parte deste esforzo foi recollido nun traballo titulado “Hoxe cociña o sol” que se presentou á primeira edición dos Premios á Innovación Educativa sobre as Enerxías Renovables en Galicia convocados pola Consellería de Educación e Ordenación Universitaria e o Instituto Enerxético de Galicia (INEGA), sendo merecedor do segundo premio cunha dotación por valor de 6.000€ consistente nun sistema solar térmico para a produción de auga quente sanitaria mediante colectores solares e outro de produción de electricidade mediante paneis fotovoltaicos, ambos emprazados no instituto, aínda que pendentes dunha instalación definitiva que lles permita ofrecer todo o seu potencial didáctico.
O momento de máxima evolución deste percorrido sitúase no desenvolvemento das Xornadas de Bioconstrución e Enerxías Renovables coa colaboración de destacados especialistas ó longo das edicións anteriores.

Na actualidade existe unha grande aceptación por parte da comunidade educativa cara ás actividades organizadas no seo destas xornadas que ponse de manifesto nas múltiples solicitudes de colaboración con diferentes institucións relacionadas tanto coa educación como as Enerxías Renovables, entre elas cabe destacar: a conferencia inaugural do Congreso Galego de profesores de Tecnoloxía, a exposición temporal dos recursos didácticos para a aprendizaxe da Enerxía Solar no centro de interpretación das Enerxías Renovables do parque eólico experimental de Sotavento, a solicitude de outros institutos para impartir conferencias divulgativas sobre os temas desenvolvidos, a invitación a desenvolver un obradoiro sobre cociñas solares e o seu uso para a didáctica da Enerxía Solar no seo do Congreso Internacional sobre Enerxía e Educación, a solicitude por parte do CEFORE para impartir un curso sobre Bioconstrución para a formación do profesorado da familia profesional de Edificación e Obra Civil, e a solicitude por parte do CEFIRE de Torrent, na Comunidade Valenciana para impartir dous cursos de didáctica da Enerxía Solar coa axuda das cociñas solares.

OBXECTIVOS

Coa realización das xornadas preténdese:

Manter a continuidade dunha iniciativa de formación pioneira no sistema educativo e que nas anteriores celebracións amosou ser de gran interese para alumnado e profesorado.
Ofrecer ós asistentes as liñas básicas para o desenvolvemento de proxectos baixo o prisma da sostibilidade, tanto a nivel de construcións individuais coma de planeamentos urbanísticos, así como procedementos de execución e solucións constructivas nos que se da prioridade ó respecto polo medio ambiente é a saúde.
Mostrar realizacións actuais de produción enerxética a través de procesos renovables e non contaminantes.
Sensibilizar na importancia do aforro enerxético e de recursos como forma de desenvolvemento sostible empregando como ferramenta a lei dos tres erres: Reducir, Reutilizar, Reciclar.
Complementar os contidos curriculares dos ciclos formativos da familia profesional no ámbito da Enerxía Solar tras a aprobación do novo Código Técnico da Edificación no que aparece a obrigatoriedade das instalacións de Enerxía Solar.

DESTINATARIOS

Os destinatarios das Xornadas de Bioconstrución e Enerxías Renovables son principalmente os alumnos e profesores dos ciclos pertencentes á familia profesional de Edificación e Obra Civil, poderase facer extensiva a participación a aqueles alumnos de bacharelato que pretendan estudiar carreiras relacionadas coa arquitectura ou a enxeñería.
Si a temática a tratar é de interese para outras persoas alleas ó departamento, e sempre que o aforo do local o permita, non habería inconvinte na asistencia, previa comunicación ó coordinador das xornadas.

DESENVOLVEMENTO DAS XORNADAS

As xornadas desenvolveranse ó longo de tres semanas, entre os días 13 de novembro e 1 de decembro de 2006 coa realización de diferentes actividades entre as que destacan:

Exposicións temáticas relacionadas coa bioconstrución e as enerxías renovables en diferentes formatos: Bibliografía específica, Documentación técnica, Paneis fotográficos, Paneis temáticos, Materiais empregados en bioconstrución, Cocinas solares e outros recursos didácticos para a aprendizaxe da Enerxía Solar. Sistemas de captación solar térmicos e fotovoltaicos. A bicicleta como medio de desprazamento sostible para un urbanismo sostible.

Xornada de conferencias relacionadas cos temas principais a desenvolver. Coa concepción de sustituir as clases habituais por outras impartidas por especialistas, as clases de Edificación e Obra Civil suspéndense para permitir a asistencia dos alumnos e profesores ás conferencias.

Xornada de visitas técnicas a edificacións, construcións ou instalacións nas que se estean a empregar solucións de bioconstrución ou de enerxías renovables.

Xornada solar na que se realiza unha demostración de funcionamento de diferentes modelos del cociñas solares como centro de interese para tratar con extensión todo o proceso de aproveitamento da enerxía solar a desenvolver nunha data do curso por determinar, xeralmente no mes de maio, pois é necesario ter garantía de pleno soleamento. A mellor comprobación de funcionamento é a degustación da comida preparada, polo que o remate da xornada realízase cos participantes arredor dunha mesa comendo e compartindo impresións sobre a capacidade do sol como cociñeiro e as diversas posibilidades de aproveitamento cara o acondicionamento climático de edificios e á produción enerxética.

PROGRAMA

Exposicions. Do 13 de novembro ó 1 de decembro de 2005

Bibliografía temática: Aforro enerxético, Arquitectura, Autoconstrución, Bioclimática, Bioconstrucción, Cociñas solares, Contaminación electromagnética, Enerxías Renovables Enerxía solar, , Feng Shui, Madeiras, Radiestesia, Transporte non contaminante, Tóxicos no fogar, Urbanismo sostible, Xardinería ecolóxica, Xeobioloxía...

Documentación técnica: Materiais de construcción ecolóxicos, Instalacións biocompatibles, Aforro de auga, Aforro enerxético, Illamentos, Pinturas ecolóxicas e naturais, Iluminación...

Paneis fotográficos: Realizacións en Bioconstrucción en diversos lugares da xeografía española, Instalacións de enerxías renovables, Solucións constructivas, Materiais empregados...

Paneis temáticos: Bioconstrucción, Enerxías renovables, Contaminación electromagnética, Xeobioloxía, Radiestesia, Feng Shui, Arquitectura sagrada...

Materiais empregados en bioconstrución: Illamentos, Conduccións de auga, Bloques cerámicos e de terra, Pedras, Madeiras, Pinturas, Tabiquería lixeira, Impermeabilizantes...

Recursos didácticos para a aprendizaxe da Enerxía Solar: Cocinas solares de baixo custo, Cociñas solares verán-inverno (30-60), Cociñas solares de concentración, Asador de brochetas solar, Ducha solar, Quentadores de auga, Destiladores solares, Pasterizadores solares, Instalación de produción de auga quente sanitaria con sistema de circulación forzada (instalación comercial para unha familia de 4 membros), Sistema de calentamento de auga por termosifón, Sección de captador de placa plana, Tubos de vacío, Concentradores de altas temperaturas, Instalación solar fotovoltaica con acumulación e transformación a 220V AC, Lámpara solar, Radio solar, Vehiculo con célula solar e pila de combustible de hidróxeno, Móvil solar, Reloxo solar histórico, Globo solar, Aplicacións cotiás da enerxía solar...

A bicicleta como medio de desprazamento nun urbanismo sostible: A problemática do transporte nas cidades, espacios de circulación, espacios de aparcamento...

Xornada de Conferencias. 21 de Novembro (Distribución horaria provisional)

8:45 – 9:00
PRESENTACIÓN DAS XORNADAS E APERTURA DO CICLO DE CONFERENCIAS
Julita Verdejo Rodríguez. Profesora do departamento de Edificación e Obra Civil.

9:00 – 10:30
BIOCONSTRUCIÓN: PRINCIPIOS E REALIZACIÓNS
Juan Bello LLorente. Profesor do departamento de Edificación e Obra Civil, coordinador das xornadas. Arquitecto técnico especializado en Bioconstrución.
Principios de bioconstrución
Edificacións realizadas aplicando criterios de bioconstrución na xeografía española.

10:30 – 12:00
TRANSPORTE SOSTIBLE PARA UN URBANISMO SOSTIBLE
Xan Duro. Coordinador xeral Asociación Ecoloxista Verdegaia. Responsable da área de mobilidade e transporte.
O custo enerxético do transporte.
A ineficacia do modelo de transporte individual actual.
Medios de transporte sostible.

12:00 – 12:30
DESCANSO

12:30 – 14:00
ENERXÍAS RENOVABLES E AFORRO ENERXÉTICO
Especialista en instalacións de Enerxías Renovables
Enerxía solar térmica e fotovoltaica
Enerxía eólica
Enerxía da biomasa
O aforro enerxético, a enerxía que non é necesario producir.

14:00 – 16:00
COMIDA

16:00 – 17:30
XEOBIOLOXÍA E SAUDE DO HÁBITAT
Juan Abia. Expecialista en Xeobioloxía e bioconstrución
Xeobioloxía, a importancia do lugar para vivir.
Prospección xeobiolóxica: procedementos e instrumental.
A casa ecolóxica e a casa sana.
Criterios para a adopción de solucions constructivas.
Criterios para a eleción de materiales.

17:30 – 19:00
A EXPERIENCIA DE REALIZAR UNHA BIOCONSTRUCCIÓN
Javier Sorribas. Promotor da súa vivenda aplicando criterios de deseño bioclimático e de bioconstrución.
Levar adiante un proxecto.
Recopilación de información.
Os materiais, o desafío ás tendencias comerciais.
A auto-construción

19:00 – 19:30
DESCANSO

19:30 – 20:00
OS MEDIOS DE DESPRAZAMENTO NA CIDADE DE A CORUÑA
Equipo de investigación en desprazamento urbán
“A Carreira dos Medios.”
Eficacia dos medios de desprazamento urbán.

20:00 – 21:30
URBANISMO SOSTIBLE
Xosé Lois Martínez. Profesor da Escola de Arquitectura de A Coruña.
Realidade e problemática do desenvolvemento urbanistico actual
Características de planeamento para un urbanismo sostible.
Necesidade de aplicación de principios bioclimáticos no planeamento urbanístico.
O transporte no planeamento urbanístico, prioridades e infraestructuras.

Xornada de Visitas Técnicas. 28 de Novembro (proposta horaria provisional)

Realizaranse visitas a diversas vivendas e outros edificios de bioconstrución ou con instalacións de enerxías renovables.

9:00 – 10:30
CERCEDA
Instalación solar para auga quente do parque acuático do concello de Cerceda, unha das instalacións solares máis grandes de Galicia.

11:00 – 13:30
ORDES
Instalacións de enerxía solar térmica e fotovoltaica da empresa Couselo Raña. Unha nutrida exposición de instalacións solares con aplicación de diferentes sistemas de captación e funcionamento.

14:00 – 16:00
COMIDA

16:15 – 17:45
SANTIAGO
Edificio sede da Fundación Empresa Universidade Galega (FEUGA). Edificio de deseño bioclimático con aplicación de diferentes recursos para quentar e para refrixerar, tanto de xeito activo como pasivo. Conta ademais con grandes instalacións solares térmicas e fotovoltaicas integradas.

18:15 – 20:00
CARRAL
Vivenda unifamiliar no concello de Carral deseñada e construída con criterios de bioconstrución. Conta con instalación solar para auga quente sanitaria e apoio á calefación, tratamento integral da auga (recollida e aproveitamento de augas pluviais, separación dos tipos de augas, tratamento biolóxico das augas residuais e depuradora verde con lagunaxe). Dispón dunha piscina naturalizada ou estanque de baño.

Publicado por Birnarem
1174 lecturas • 1 Comentarios • 84 Referencias