:: INFÓRMATE dende a Galiza ::

O Goberno abstense na ONU nunha resolución sobre a descolonización do Sáhara

Archivado en Novas Quentiñas • Fecha: 23-10-2006 15:46

O eurodiputado e coordinador executivo de Política Internacional de Izquierda Unida, Willy Meyer, condenou hoxe onte a abstención de España na votación na Asemblea Xeral da ONU dunha resolución que reafirma o dereito de autodeterminación do Sahara Occidental.

A resolución, adoptada o pasado venres, reafirma o dereito de autodeterminación do Sahara Occidental en base a unha solución aceptable mutuamente por Marrocos e o Fronte Polisario.

O documento tivo que ser sometido a votación ante a imposibilidade de adoptalo por consenso, e o resultado foron 77 votos a favor e 72 abstencións, entre elas as de España Francia e Marrocos. Entre os votos a favor atópanse 14 países membros da Unión Europea: Austria, Bélxica, Dinamarca, Estoniana, Finlandia, Alemaña, Hungría, Irlanda, Holanda, Polonia, Eslovaquia, Eslovenia, Suecia e Reino Unido.

Meyer mostrou a súa sorpresa e absoluta condena pola actitude incomprensible do Goberno español, que por primeira vez adoptou unha posición alineada con Marrocos, o que cualificou de inaceptable.

A actitude do Executivo español é un escándalo, como país administrador e responsable do proceso de descolonización, polo que instoulle a emitir unha declaración obrigando a que se explique.

Segundo o eurodiputado, con esa actitude, o Goberno de España está abandonando á súa sorte ao pobo saharaui.

O contencioso sobre o Sahara Occidental comezou en 1975 cando Rabat se anexionou esta antiga colonia española logo da denominada Marcha Verde.

O 6 de novembro de 1975, durante o reinado de Hasán II en Marrocos e en plena agonía do xeneral Franco en España, ao redor de 350.000 marroquís iniciaron unha marcha pacífica cara ao Sahara Occidental, que supuxo o final da colonización española deste territorio semidesértico de 266.000 quilómetros cadrados.

Na actualidade, Marrocos insiste en que calquera solución política debe excluír a posibilidade da independencia do Sahara Occidental, mentres que o Fronte Polisario e Arxelia seguen reclamando un referendo que determine o estatuto final da antiga colonia española.

Fonte: El Gobierno se abstiene en la ONU en una resolución sobre la descolonización del Sáhara