Oscar Pereiro e outros ciclistas profisionais con Masa Crítica
Archivado en Masa Crítica e mobilidade • Fecha: 13-10-2006 19:30
O día 12 de outubro celebrouse na Coruña o día da bici. Nela participaron os máis laureados ciclistas galegos: Oscar Pereiro, David Blanco, Luis Oliveira, Ezequiel Mosquera, ...
Nesta marcha estaban tamén Masa Crítica Coruña, para reivindicar o uso da bici como medio de transporte e sacar a relucir que o Concello da Coruña tan só fai actos propagandísticos (coma este día da bici), pero que á hora de fomentar o uso de transportes alternativos ao coche particular (a bici, transporte público, ...) non se molla. Necesitamos máis carrís bici, que non estén cortados, para a comunicación entre barrios, que vaia polo centro do casco urbano e non só pola periferia (paseo marítimo), é urxente a comunicación segura en bici cos concellos limítrofes, ...
E agora que se van achegando as eleccións necesitamos saber o compromiso de cada partido político coa mobilidade, porque necesítanse medidas urxentes e compromiso.
Aproveitando o evento, deuse a coñecer unha campaña de toma de firmas, o texto é o seguinte:
Os firmantes, todos cidadáns de A Coruña, en vista da campaña realizada polo noso goberno local na semana do 16 ao 22 de setembro de 2006 sobre a mobilidade e o cambio climático, e aceptando como irrebatibles os argumentos presentados e considerando como inaplazables as medidas propostas, esiximos o cumprimento dos tratados internacionais vixentes, para o que cremos necesario a adopción, entre outras, das seguintes actuacións:
Pacto pola mobilidade: creación dun foro participado por todos os grupos políticos, entidades, asociacións veciñais, sociais e cidadás, co fin de debater a mellora da mobilidade na cidade con criterios reais de sostenibilidade.
Plan director e observatorio da bicicleta e do peón: Promoción de medios de transporte alternativos ao automóbil e, en particular, creación dunha rede de itinerarios funcionais para peóns e ciclistas.
Plan director e observatorio do transporte colectivo: Priorización do transporte colectivo e incentivar o uso compartido do vehículo particular.
O texto xa foi asinado por moitos ciclistas e peóns en María Pita, e tamén foi rubricado por Oscar Pereiro, David Blanco, Luis Oliveira, Ezequiel Mosquera, ... Ademáis todos eles posaron coa pancarta de Masa Crítica Coruña que reivindica carril bici: Pola nosa seguridade, ¡Carril Bici Xa!
É evidente que hoxe en día nunha cidade como Coruña o medio de transporte máis eficaz, rápido, barato e san é a bici, e xa é hora de que o governo tome medidas, porque os ciclistas profisionais, os afeccioados, os cidadáns que usan a bici para desplazarse, e en definitiva, toda a sociedade esixe que se fagan infraestruturas para poder usar a bici de forma eficaz e segura.
Vémonos o venres 3 na próxima Masa Crítica.
Referencias (URL para referencias)
Comentarios
-
A recalificación dos solares da Estación de tren de S Diego para facer pisos en vez de para facer un tren de cercanias metropolitano, di moito do que lle preocupa realmente a xente que está no concello.
E increíble a paciencia ou a estupidez da xente facendo atascos para entra ou sir da cidade tódolos días e permitir que non se faga nada polos usos de transporte alternativos o cocheXoán — 14-10-2006 17:16:39
-
Totalmente dacordo. E logo di a xente que merca no Burgo: "se estou a 5 minutos de coruña", si si, 5 minutos de coruña ás 4 da madrugada un día da semana, pero cun pouco tráfico podes chegar a estar a media hora ou máis. E un metro lixeiro desde O Burgo (e podendo levar nel a bici gratis) chegarías ao centro en 5 ou 10 minutos máximo, sen atascos e sen ter que aparcar, nesas condicións o que collera o coche sería por pura cabezonería.
O mesmo podemos dicir doutras zonas limítrofes. Pero claro, seguimos a inutilizar infraestruturas, a condenar o noso futuro, e cando a xente pense que os medios de transporte alternativos son evidentemente a millor solución, pois virá a excusa de que non hai sitio, non caben ou que cambiar as infraestruturas é demasiado caro.Birnarem — 16-10-2006 12:13:03
Comentar
Esta obra está baixo unha licencia de Creative Commons.
ADN.es Medio Oficial Premios Bitacoras 2008: