:: INFÓRMATE dende a Galiza ::

Medio Ambiente expropia nove fincas no litoral galego para frear a presión urbanística

Archivado en A Toda Costa • Fecha: 19-09-2006 13:35

O Ministerio de Medio Ambiente iniciou en Galiza a expropiación de sete leiras, algunhas delas edificadas, e ten xa acordos cos propietarios doutras dúas máis situadas na liña de costa para protexer a contorna paisaxístico destas áreas e frear a presión urbanística. Nos nove casos o Goberno compra os terreos co consentimento dos titulares destas propiedades e logo de pactar previamente o prezo das parcelas. Sete delas están situadas na Coruña e dous en Lugo, na localidade de Foz.

Estas expropiacións son o resultado do proceso iniciado fai meses pola Xefatura de Demarcación de Costas de Galiza despois de que a ministra Cristina Narbona dese orde de localizar posibles terreos privados situados en liña de costa para adquirilos e protexer así a franxa litoral de actuacións especulativas.

As primeiras xestións deron o seu froito e o Ministerio de Medio Ambiente empezou xa coas expropiacións de cinco leiras na Coruña e dúas en Lugo situadas na contorna do dominio público marítimo-terrestre.

Un dos terreos que comprará o Goberno está situado na praia de Ber, en Pontedeume, onde se demolerá un restaurante-hotel para gañar espazo á praia. O mesmo ocorre cunha parcela situada na contorna do arenal de Matadoiro, na Coruña.

En Malpica derribarase outro edificio que actuaba como "pantalla arquitectónica" impedindo as vistas. Tamén expropiarase unha leira en Escarabote, municipio de Boiro, para gañar servidume de tránsito e construír un carreiro peatonal. A forte presión urbanística na zona de Caión (Laracha), motivou a compra doutra parcela. Mentres, no concello de Foz compraranse leiras nas praias de Llás e Peizás e outra máis en Cangas.

Acordo cos donos

Segundo o xefe de Demarcación de Costas en Galicia, Rafael Eimil, en breve iniciarase tamén o expediente expropiatorio doutros dous terreos situados en Ortigueira e Agarimo. En negociación está tamén a compra do Islote de Insuiña, situado en Pontevedra, na desembocadura do río Verdugo.

A maioría destas parcelas atópanse situadas no linde da zona de dominio público marítimo-terrestre, sometido a protección e na que, polo tanto, non se pode edificar. Rafael Eimil explicou que algunhas das edificacións que demolerán son ilegais, mentres que noutras solicitouse unha concesión administrativa para construír neses terreos pero que está xa caducada. "Trátase de restaurantes, hoteis, almacéns e hai tamén vivendas particulares", enumerou o xefe de Demarcación de Costas.

En todos estes casos, con todo, chegouse a un acordo cos propietarios. Eimil destacou a colaboración ofrecida polos titulares destes terreos e avanzou que hai máis interesados en vender as súas leiras ao Ministerio de Medio Ambiente. "Moita xente chámanos e quere iniciar conversacións. Estase creando unha filosofía de protección medioambiental e paisaxística", comentou o responsable galego de Demarcación de Costas.

Paula Pérez (Faro de Vigo)

Fonte: Medio Ambiente expropia nueve fincas en el litoral gallego para frenar la presión urbanística