:: INFÓRMATE dende a Galiza ::

EDR: A caixa negra dos coches

Archivado en Información (Kit do cidadán crítico) • Fecha: 07-07-2006 10:42

Aparentemente, máis da metade dos coches que circulan hoxe en día levan un dispositivo que rexistra a súa velocidade e outros datos, aínda que a maioría dos condutores descoñéceno.

En abril de 2001, Eric Gauthier conducía polo centro de Montreal cando chocou con outro coche. O seu condutor, Yacine Zinet, faleceu no acto. Segundo Gauthier, Zinet saltouse un semáforo en vermello, provocando o accidente que lle custou a vida. Con todo, unha terceira testemuña demostrou que Gauthier mentía: o seu propio coche.

Eric Gauthier conducía a 157 km/h no momento do impacto, tres veces máis rápido do máximo permitido na zona. Sábese porque, sen que el tivese coñecemento, o seu automóbil estaba equipado cun 'Event Data Recorder' (EDR) ou 'caixa negra', unha especie de cinta de cinco segundos de duración onde se grava continuamente o estado do coche: velocidade, aceleración, freos, manexo do volante e uso do cinto de seguridade. Eric Gauthier foi sentenciado a 18 meses de cárcere por condución temeraria. A súa irresponsabilidade acabou coa vida doutra persoa. Os datos do EDR foron determinantes para acadar esta sentenza.

Do mesmo xeito que ocorre coas famosas caixas negras dos avións, os EDR permiten reconstruír as circunstancias dun accidente despois de que se produza, porque gardan un diario cos últimos cinco segundos anteriores á colisión. Todos os modelos de General Motors levan caixas negras desde o ano 2004, así como unha gran parte dos Ford. Aparentemente, máis da metade dos modelos que circulan hoxe en día levan un dispositivo destas características. Só que ninguén o sabe.

¿Seguridade ou intromisión?

Aínda que as Axencias de seguridade en estrada de todo o mundo consideran os EDR unha axuda irreemplazable para mellorar a seguridade vial dada a información que aportan, moitas asociacións polos dereitos civís están preocupadas pola perda de privacidade. “A posibilidade de que esteamos baixo escrutinio constante”, afirma Stephen Keating, do Centro pola Privacidade na Universidade de Denver, “ten efectos sociais e efectos legais que aínda non consideramos”. A Jim Harper, avogado e editor de Privacilla.org preocúpalle enormemente que “a propiedade privada das persoas estea deseñada polo Goberno (estadounidense)”.

Pola súa banda Ann Cavoukia, responsable de privacidade do Goberno en Ontario (Canadá), non considera positivo que a xente descoñeza que hai unha caixa negra no seu coche, e aduce que este feito pode ter consecuencias perversas: “En combinación cos sistemas de navegación por satélite (GPS) sería posible vixiar calquera coche desde calquera lugar”.

Outros expertos son máis cautos á hora de criticar a medida, pois consideran que o tema é delicado: seguridade a cambio de perder a intimidade. Opinan que, aínda que resulte fácil metelo no mesmo saco que as cámaras de vixilancia na vía pública (ilegais en moitos países) ou a intervención de teléfonos sen unha orde xudicial, os EDR son un 'chivato' cuxa información é só relevante en caso de accidente, o que cambia a súa condición de xeito radical.

Moitas asociacións polos dereitos civís están preocupadas pola perda de privacidade que supoñen estas caixas negras.

Fonte: EDR: La caja negra de los coches (consumer.es)