:: INFÓRMATE dende a Galiza ::

Centos de persoas maniféstanse nas capitais canarias contra o racismo e a xenofobia

Archivado en Novas Quentiñas • Fecha: 19-06-2006 13:10

A plataforma “Tod@s somos emigrantes” afirma que o discurso “alarmista e excluinte” que se escoita impide unha formulación que aborde realmente o fenómeno da inmigración e o problema da xenofobia, “dando ás aos argumentos máis insolidarios e irrespectuosos coa dignidade das persoas”.

Dúas concentracións con varios centos de persoas manifestáronse onte polas rúas de Santa Cruz de Tenerife e de Las Palmas de Gran Canaria a favor dos dereitos humanos e contra o racismo e a xenofobia, nun acto que estivo convocado pola plataforma “Tod@s somos emigrantes” e que serviu de denuncia de la “información parcial” que están dando algunhas forzas políticas e os medios de comunicación sobre o crecemento da poboación no arquipélago.

Segundo datos do ISTAC, “o 50 por cento da poboación emigrante que se asenta en Canarias provén de países europeos, o 40 por cento de países latinos e o 10 por cento do continente africano, mentres que durante máis de dez anos non se detectou que as persoas que chegan ás Illas sexan portadoras de máis enfermidades que a poboación residente en Canarias”, explicou un dos representantes do colectivo en declaracións a ACN Press.

Ao seu xuízo, a xenofobia e o racismo aumentou en Canarias debido a que algunhas persoas están utilizando a inmigración africana para fomentalos. “O problema non está nos africanos que chegan aquí, senón no modelo de sociedade en que vivimos, que fai que a xente que está pasando necesidades teña que saír da súa terra para buscarse a vida”, resaltou, precisando que nas Illas, “o que nunca se viu estase vendo agora”. Tamén destacou a necesidade de “deixar claro por dignidade” que o pobo canario non é racista.

“Que deixen de facer demagoxia con que nos están invadindo os africanos, porque non é certo, xa que a poboación deses países non chega a 27.000 persoas que residen nas Illas”, subliñou, para a continuación facer fincapé na importancia de que se implanten medidas polas institucións “para poder axudar a esa xente”.

As organizacións e entidades que integran a plataforma consideran que a actitude dos políticos de dar un trato “exclusivamente policial” a esta cuestión e de practicar repatriacións “sen as garantías suficientes nas que a violencia, os abusos e os abandonos de persoas á súa propia sorte nas peores condicións son frecuentes”, constitúe un “atentado reiterado” contra os dereitos humanos máis básicos.

“Tod@s somos emigrantes” esixe aos organismos competentes o auxilio de todas as persoas que se achegan ás costas canarias, sexa en patera, caiuco ou barco, con medios civís e non militares, pois pola contra seriamos responsables directos da súa morte. Tamén pide que se dispoña dos recursos necesarios para a atención digna de quen se atopen nesa situación, cubríndose as necesidades sanitarias e de alimentación coas debidas garantías.

Por outra banda, insta a que se respecte o Regulamento dos Centros de Internamento para Estranxeiros e se doten dos medios necesarios para atender os dereitos deste colectivo, con intérpretes e asistencia xurídica que garantan o respecto dos seus dereitos e a protección aos que sufran algún tipo de persecución. Por outra banda, solicita que se permita a comunicación externa coas persoas internadas, dereito que non está vetado nin á poboación reclusa, así como que se dote a todos os inmigrantes, desde a súa chegada, da tarxeta sanitaria correspondente.

Cientos de personas se manifiestan en las capitales canarias contra el racismo y la xenofobia
El 'cupo cero' a trabajadores foráneos es "propagandístico y perverso", según Martín Ruiz
España es el principal exportador mundial de municiones al África Subsahariana

Archipiélago Noticias