:: INFÓRMATE dende a Galiza ::

“La Voz de Galicia” censura das súas páxinas a Ignacio Ramonet e Ramón Chao

Archivado en Denuncias • Fecha: 26-04-2006 16:00

Pascual Serrano informa en Rebelión desta desafortunada decisión por parte do xornal galego. Dúas das poucas opinións realmente interesantes do periódico desaparecen así das súas páxinas. E xa temo que o seguinte sexa o xenial Isaac Díaz Pardo para que a limpeza sexa total, ¿usará “Don Limpio” Santiago Rey contra o progresismo no seu periódico?. Xa non hai dúbida da realidade do nome utilizado por moitos para este diario: “La Coz de Galicia”.

Logo de lograr a dimisión do director de "La Voz de Galicia", Bieito Rubido, o propietario deste diario, Santiago Rey, prescindiu da colaboración de Ignacio Ramonet e Ramón Chao. Ambos asinaban na sección “Opinion” senllos artigos semanais desde facía varios anos. Nada se lles comunicou a estes dous colaboradores; sinxelamente deixóuselles de publicar.

Ningunha explicación deuse tampouco aos lectores para xustificar esta reacción autoritaria que atenta á pluralidade de opinión. Ramonet e Chao consideran semellante actitude como un acto de censura caciquil intolerable, allea ao espírito pluralista de "La Voz de Galicia" mentres a dirixiu Bieito Rubido.

Nacido na localidade galega de Redondela, Ignacio Ramonet é director, en París, do mensual Le Monde Diplomatique. Especialista en xeopolítica e estratexia internacional e profesor de teoría da comunicación na Universidade Denis Diderot de Parides, Ramonet é doutor en semioloxía e en historia da cultura pola Escola de Altos Estudos en Ciencias Sociais, onde foi alumno de Roland Barthes. Fundador de ATTAC e un dos promotores do Foro Social Mundial. Entre as súas obras destacan “La golosina visual”, “Un mundo sin rumbo”, “La tiranía de la comunicación”, “Rebeldes”, “Dioses y excluídos y Guerras del siglo XXI”. Hoxe presenta en Madrid o seu último libro “Fidel Castro, biografía a dos voces”.

Ramón Chao tamén é galego, da localidade lucense de Villalba, é escritor, xornalista e músico. Pai do coñecido cantante Manu Chao. En París dirixiu emisións radiofónicas en galego, que foron prohibidas por Franco, e foi corresponsal da revista “Triunfo”. Tamén traballou na prensa e televisión francesas, como redactor do Servizo de América Latina de Radio France International e colaborador de Le Monde Diplomatique. escribiu varios libros entre novelas e biografías, un deles escrito en galego, “O Camiño de Prisciliano”, coa cuberta deseñada por Miquel Barceló É membro do colectivo antiglobalización Attac.

Ambos se caracterizaron por unha clara liña progresista nos seus traballos. As súas columnas de opinión en “La Voz de Galicia” eran para os lectores unha fiestra á realidade e a verdade dos acontecementos en América Latina, a cultura independente e os movementos sociais.

A súa censura neste diario galego supón unha nova volta de torca na eliminación dos medios comerciais de toda voz díscola e reivindicativa.

La Voz de Galicia censura de sus páginas a Ignacio Ramonet y Ramón Chao (castellano)

Decenas de intelectuales protestan por la censura de Ignacio Ramonet y Ramón Chao

La "otra" censura o de cómo la realidad no es tan simple

Publicado por Birnarem
751 lecturas • 0 Comentarios • 96 Referencias