:: INFÓRMATE dende a Galiza ::

Opinión sobre a suba de taxas para os todoterreo por contaminantes

Archivado en Ecoloxía • Fecha: 04-11-2005 09:32

Recibín en forma de comentario no artigo “La larga espera de los coches limpios” unha carta enviada recentemente ao director do País que non foi publicada, que polo interesante do seu contido pareceume adecuado o poñela coma un artigo propio. Opinade, engadide información, ...

A: Sr. Director do diario O Pais

Asunto: Opinión sobre o artigo "O Goberno prepara unha suba de taxas para os todoterreo por contaminantes" publicado o 27 de outubro de 2005.

Ante todo debo manifestar que NON son propietario dun todoterreo e polo tanto a inminente suba de taxas non me afectará polo que a miña opinión é totalmente obxectiva.

Son consciente do alto grao de contaminación que xeran os automóbiles de gran cilindrada sobre todo os 4WD diesel e entendo que o goberno tome cartas no asunto. Pero a medida que se vislumbra no artigo aseméllanme como mínimo desacertada. Eu diría que a ministra de Medio Ambiente, Cristina Narbona debería ter en conta que as solucións non pasan nunca por penalizar e recadar. A taxa, se finalmente é aplicada, só daría autorización aos automobilistas implicados para que sigan contaminando legalmente e isto sería a todas luces aberrante dende o punto de vista da razón.

Unha persoa cuia solvencia económica permítelle desembolsar unha media de 65.000€ por un Toyota Land Cruiser 100, non vai preocuparse por pagar unha taxa adicional comparativamente insignificante.

A filosofía tras esta cuestión é en aparencia que "quen contamine pague". Dita medida sería ineficaz porque ademais de non mellorar o problema medioambiental non beneficia en absoluto ao cidadán que non contamina. Se existen vehículos altamente contaminantes, a medida pertinente sería retiralos inmediatamente da circulación e do mercado. En caso contrario as únicas beneficiarias serían as arcas de Facenda e os prexudicados todos os cidadáns.

Por outra parte, axustándose a dereito, se penalizan a quen contamina permitíndolle seguir facéndoo previo pago dunha taxa, tamén deberíase primar a quen non o fai. Teñamos en conta que un coche ecolóxico coma o Toyota Prius costa 25.200€ e unha subvención para a súa adquisición estaría máis que xustificada.

Se a orixe desta medida é a preocupación do goberno por medio ambiente, o cal francamente poño en tea de xuízo, ¿Por qué non subvencionan os dous coches máis limpos dispoñibles actualmente no mercado español, a saber o Toyota Prius e o Honda IMA?

Eu dareilles a resposta: ¡Porque non queren renunciar aos pingües beneficios que xera o xigantesco consumo de carburantes derivados do petróleo! Lembremos que por cada Euro que os españois pagamos polos carburantes o 66% vai en concepto de impostos. De feito recibimos un litro cando en realidade estamos pagando tres.

E, ¿por qué non promoven o vehículo de hidróxeno (pila de combustible) que xa circula a plena satisfacción cun índice de contaminación CERO? ¿Débese por casualidade a tratar de eludir conflitos coa industria petrolífera?

Se a preocupación da Ministra Narbona é sincera debería encauzar os seus esforzos a poñer no mercado o antes posible un utilitario de hidróxeno cunha subvención que o faga accesible ao presuposto de calquera familia de clase obreira. Efectivamente, xa coñezo o argumento de que converter as gasolineiras en "hidroxeneras" toma tempo. Si, o tempo necesario para que os propietarios dos coches actuais poidamos amortizar a nosa inversión e empecemos a asumir o inevitable cambio de modo que o próximo coche que compremos sexa 100% limpo.

Como transición, a opción de vehículos híbridos como os anteriormente citados Toyota Prius e Honda IMA (ambos 97% libre de emisións de Co2) deberían abaratarse considerablemente ata alcanzar a solución definitiva que é o uso xeral do Hidróxeno.

Moralexa

Se non melloramos a nosa relación co planeta, seguro que a curto prazo pasaranos factura a todos: A quen non ten coche, aos automobilistas, aos fabricantes, aos gobernantes e incluso aos magnates do cru quen se verán obrigados a respirar dólares, beber petróleo e comer diamantes.

Eduardo Corbacho Félix

Opinión sobre la subida de tasas para los todoterreno por contaminantes (castellano)

Re: Opinión sobre a suba de taxas para os todoterreo por contaminantes

Publicado por Birnarem
469 lecturas • 0 Comentarios • 80 Referencias