Catro antimilitaristas madrileños saltan o valado do monumento ao soldado descoñecido e apagan a chama
Archivado en Novas Quentiñas • Fecha: 11-10-2005 10:34
Esta Acción Directa Nonviolenta realízase en solidariedade coas persoas emigrantes reprimidas en Marrocos e na vala de Ceuta e Melilla.
Ás 20'30 horas do luns 10 de outubro un grupo de antimilitaristas madrileños/as realizou unha Acción Directa Nonviolenta en apoio e solidariedade ás persoas cuios dereitos e cuias mesmas vidas están sendo pisoteadas e aniquiladas polas policías e exércitos do Estado Español e de Marrocos.
Nesta acción, organizada polo Espazo Horizontal contra as Guerras, catro antimilitaristas saltaron o valado do monumento ao soldado descoñecido de Madrid, nun claro xesto de dar lexitimidade ao salto que as persoas emigrantes tentan dar o valado na fronteira coa esperanza de fuxir da miseria e a guerra.
Unha vez dentro do recinto do monumento mentres dúas persoas despregaban unha pancarta co lema da acción "Saltamos o Valado", as outras dous, provistas de extintores procederon a apagar a chama que homenaxea ao soldado descoñecido. Con este xesto preténdese apagar a chama dos exércitos e as guerras que tan terribles consecuencias provocan na vida das persoas dos países pobres.
O soldado descoñecido simboliza o militarismo, o poder da forza, de quen teñen o diñeiro e as armas máis poderosas. O soldado descoñecido é o guerreiro sen rostro, é a inxustiza e a opresión para os/as febles. Apagar a súa chama é apostar por outra sociedade.
A continuación reproducimos o Manifesto da Acción:
Saltamos o Valado
O fenómeno migratorio é unha cuestión social e política e como tal debe ser tratado. Non hai valados nin exércitos que poidan parar a quen foxen de guerras, hambrunas constantes, gobernos corruptos e SIDA pandémico. En nome da globalización, Occidente plantexou a África que as fronteiras non debían constituír un obstáculo para a libre circulación de mercancías e capitais, clave dun hipotético progreso que xamais asomou polo continente negro.
Agora sabemos que todo era un conto e aparece ante os nosos ollos un terrible pesadelo: expolio dos seus recursos, enfermidades e miserias para a maioría dos seus habitantes. Europa rouba a comida que podería paliar as hambrunas que padecen 2 millóns de persoas, mentres en África cocíñanse as sobras, aquilo que os europeos tiramos ao cubo do lixo, como reflexa o documental "O Pesadelo de Darwin". Os xigantescos avións de carga con destino África recollen o pescado do lago Vitoria ou os diamantes de Debswana, pero a viaxe de ida non o fan de baleiro. Levan armas. Armas que axudan a perpetuar todo tipo de guerras, tan lucrativas para a industria armamentística.
Unha mínima parte da poboación africana é a que toca ás nosas portas, detrás das cales existe un relativo benestar construído a costa súa. Se hai libre circulación para as mercancías e os capitais, ¿como é posible que os seres humanos non dispoñan desa mesma posibilidade, a de desprazarse cara alí onde poidan encontrar traballo? ¿Por que non se permite a libre circulación das persoas? Na fronteira os inmigrantes son acosados por cans amaestrados, golpeados e tiroteados, sen que a ninguén asemelle importarlle demasiado. Non son mortes, son asasinatos. Marrocos ademais condena aos inmigrantes a unha morte anunciada ao colocalos no deserto arxelino sen ningún ollamento, independentemente da súa procedencia. Ninguén debe estrañarse porque un inmigrante declare que prefire arriscarse a morrer en augas do Estreito a caer en mans da policía marroquí.
Continúa a desobediencia en Ceuta e Melilla, ás portas da Europa fortaleza. Nós, antimilitaristas e desobedientes, tamén saltamos a vala, para berrar unha vez máis que ningún ser humano é ilegal. Non hai monumentos ao inmigrante descoñecido, pero si aos soldados que din protexer a Europa fortaleza e a "unidade de España". Esta acción é un paso máis no noso traballo de denuncia sobre as consecuencias do militarismo e as guerras.
Non ao expolio de África. Non ao comercio de armas. Non ás guerras.
Desobedece as guerras, apaga o militarismo.
ESPAZO HORIZONTAL CONTRA A GUERRA
Cuatro antimilitaristas madrileños saltan la valla del monumento al soldado desconocido y apagan la llama (castellano)
Grupo Antimilitarista Tortuga
Referencias (URL para referencias)
Comentarios
-
Home, non creo que sexa a mesma actuación a dos militares españois, policia e garda civil incluida, ca dos militares marroquinos... Aquí inda algo fan, anque sexa telos un pouco no Ceti para despois devolvérenos a Marrocos ou a quen sabe onde... Pero polas imaxes e polas crónicas de xornalistas non parece que se estea pola parte española a pisotear vidas inmigrantes (non me refiro á vexación que supón devolver a estas persoas a Marrocos ou aos seus lugares de orixe, feito completamente degradante, eso sí, pois fuxiron de alí e non se lles pode levar contra a súa vontade)
Pifloiz — 11-10-2005 13:58:15
-
Por suposto que a actuación da policía española, da guardia civil española, dos militares españois e dos militares marroquinos non é a mesma, probablemente os militares marroquinos gocen de máis impunidade, pero é claro que as forzas españolas tamén gozan dun elevado grado de impunidade, cousa grave e preocupante que non millora a pesar de denunciarse repetidamente dende fai anos.
Neste caso concreto vimos patalear cunha agresividade e odio desmedido a un inmigrante indefenso e no chan, feito que se produciu un día calquera, e que só a presenza dos medios televisivos obrigan a investigar aos culpables, e moitas veces nin así. Tamén coñécese de expulsións ilegais cando estos emigrantes xa pisan chan español, o que provocaba carreiras cara os centros de recollida, porque corrían o risco de ser "secuestrados" e expulsados á marxe de calqueira legalidade. E todo isto por xente da que a súa palabra vale máis que a de calqueira perante un xuíz, existindo constantes casos de invención de delitos para ocultar agresións e torturas.
En fin é un tema demasiado amplo para tratar nunhas liñas. En calqueira caso suxiro que para opinar destes temas non confiedes nos medios masivos, principales valedores (mediante ocultación e falsedades) dos métodos das forzas da orde.Birnarem — 11-10-2005 19:30:52
-
É certo que é un tema moi amplo para o resolver nun post, e tamén é certo que as forzas de ¿seguridade? españolas (ou de onde sexan) teñen un espírito pouco tolerante (apesares de contaren con efectivos máis tolerantes, para a nosa sorte en moitos casos).
Pinfloiz — 14-10-2005 11:27:00
-
Cando criticamos a un grupo de persoas ou colectivo non estamos dicindo que ataquemos directamente contra todos os membros dese colectivo. Estou conforme con que tamén hai persoas tolerantes nas forzas do "des"orde españolas, pero eu diríalles entón ¿porqué pechas os ollos perante os abusos cometidos polos seus compañeiros? ¿porqué os excusan ou defenden? Ademáis o feito de que nunca houbo preocupación por investigar o poñer os medios para evitar estos acontecementos mostra claramente que os métodos fora da lei (torturas, asasinatos, persecución, intimidación, impunidade, falsedade, manipulación, ...) son considerados coma parte da eficacia desa xente, e isto non pode continuar así.
Birnarem — 17-10-2005 10:53:39
Comentar
Esta obra está baixo unha licencia de Creative Commons.