5º Festival da Terra e da Língua (Narom) Moinho de Pedroso
Archivado en Novas Quentiñas • Fecha: 15-07-2005 13:06
Diante da quinta Ediçom do nosso Festival, as gentes de Fundaçom Artábria, antes de abrir as portas a este ponto de encontro da cultura, da reivindicaçom, da arte e o lecer, miramo-nos para entender-nos e fazer-nos entender, para explicarmo-nos e explicar o porquê desta cita anual.
Nom temos vergonha de falar a nossa Língua, vivemos com orgulho a nossa cultura, as nossas tradiçons. Sentimos a dignidade de ser galegos e galegas, é o jeito que temos de estar no mundo, e vemos ao nosso país formando parte da Humanidade, nem mais arriba nem mais abaixo que o resto de países, povos, culturas e línguas. O país que queremos, sem vergonha, com orgulho e com dignidade. O país que queremos... o país que amamos, com passados escuros, com memórias recuperadas e futuros mais claros por desenhar.
O país que queremos..., o que desejamos, o que se construi dia a dia, desde distintas miradas, desde distintas cores, desde distintas opçons, com diferentes vontades, entre todas e todos, com miradas de justiça, com as cores da liberdade, com as vontades de paz e solidariedade.
Nos dias 29 e 30 de Julho vivemos o país que queremos, expressando-o, construindo-o, como cada dia, também em Pedroso neste Festival da Terra e da Língua. Umha volta mais no caleidoscópio que dia a dia movem miles de mans, para fazer possível a visom colectiva da Terra e da Língua que nos definem, que nos identificam e nos fam protagonistas da diversidade mundial.
A nossa oferta cultural e social, é umha proposta festiva e reivindicativa, de conteúdos diversificados. A música, o artesanato, a poesia, o desporto, a natureza, a magia, o teatro, o fórum, os jogos, os livros, a gastronomia,... som espaços que construem o Festival da Terra e da Língua.
Terra de Trasancos, 27 de Junho de 2005
PROGRAMA V FESTIVAL DA TERRA E DA LÍNGUA
Narom - Moinho de Pedroso, 29 e 30 de Julho de 2005
Sexta-Feira, 29 de Julho
- 21:00hs Apresentaçom do Festival.
- 21:15hs Magia com ToninO MAGICIAN
- 22:00hs Teatro com ESMORGANAS que apresentam duas obras: "De copos e em companhia" e "Ramom".
- 23:00hs Festival Folc com:
REPICHOCA ÁRTABRA [música folc e popular galega e portuguesa]
ZIRIKOLLOS [música folc]
Sábado, 30 de Julho
- 12:00hs Abertura da Exposiçom cinco anos dum espaço para a solidariedade, a festa e a reivindicaçom.
- 17:00hs V Campeonato de Matraquilho [Futbolim]
- 17:00hs O Festivalzinho. O divertimento para as crianças, com:
TASTARABÁS coop. [Ludoteca] jogos populares.
PICOMPÉ [Circo e espectáculo] - 19:30hs Fórum de Debate sobre O PAÍS QUE QUEREMOS...
- 21:30hs Certame poético, no espaço solidário.
- 22:30hs Pregom de Xurxo Souto.
- 23:00hs FESTIVAL MUSICAL:
OS TRES TREBÓNS E O VENDAVAL DO ROSAL [folc-fussom]
ARTEMISA [Banda de Ska-fussom Mestiço de Morelia, do estado de Michoacán em México]
A MATRACA PERVERSA [banda de fussom da Terra]
PRESENCIA ZERO [banda galega de rap-metal]
O PAÍS QUE QUEREMOS...
V Festival da Terra e da Língua 2005
Referencias (URL para referencias)
Comentarios
-
hola xentes artabras!!!! quero agradecervos o día que pasamos ahí e o trato que tivestes con nós. Felicitarvos tamén polo desenrolo do festival e alentarvos para que sigades traballando na mesma direccion. Por certo, fanme falla unhas camisolas das vosas,así que se podedes porvos en contcto conmigo mellor que mellor.
lorenzo castro — 15-09-2005 13:07:28
-
Nos non somos Artábria, podes contactar con eles na súa páxina. E tes razón na boa organización e sintonía do seu magnífico "Festival da Terra e da Língua".
Birnarem — 15-09-2005 13:44:58
Comentar
Esta obra está baixo unha licencia de Creative Commons.