:: INFÓRMATE dende a Galiza ::

PSOE pretende ilegalizar BRIGA. STOP repressom contra a juventude galega

Archivado en Denuncias • Fecha: 09-06-2005 09:34

Mais dumha vintena de jovens galeg@s fôrom detid@s no último mês e meio por actos de protesto, em reivindicaçons estudantis contra a privatizaçom, férias de empresas que querem passar por foros, e em especial à volta da actividade em oposiçom ao desfile fascista do Exército espanhol a 29 de Maio.

Mas o último episódio constitui um salto qualitativo nas vagas repressivas que o MLNG tem suportado nos últimos anos. No marco do que a Guardia Civil deu em denominar "Operaçom Cacharrom" cinco jovens forom detid@s em 48 horas, imputad@s de danos e injúrias ao Exército espanhol, ao qual se soma a acusaçom de associaçom ilícita. Detençons ilegais, já que os delitos supostamente cometidos – colagens, murais, repartos de panfletos - som de facto faltas, polo que a Guarda Civil nom podia apresá-l@s, e menos retê-l@s durante 30 horas como figérom. Além disso, ficam acusad@s polo delito de pertencerem a BRIGA, de realizar trabalho comprometido com a juventude da Galiza.

O PSOE pom sobre a mesa a possível ilegalizaçom de BRIGA. Assim o demonstra o desmesurado despregamento de operativos, com precintos de propaganda, móveis, computadores, etc. Estas acçons, ordenadas polo Governo central, incluem petiçons de registos domiciliares. Nos cálculos políticos do Governo espanhol, nom cabe a dissidência, a oposiçom política, de aí que se recorra, como já tem feito o PP, à ilegalizaçom de organizaçons políticas molestas e daninhas para o seu status quo.

Entretanto, os meios de comunicaçom do sistema mantenhem um silenciamento continuado, evitando fazer eco desta situaçom, em lugar de informarem do que está a acontecer.

Isto é um ataque intolerável nom só a BRIGA, mas a qualquer organizaçom, colectivo e pessoa individual que de postulados anti-sistémicos defenda um outro modelo de sociedade e de mundo, em que a actividade política juvenil nom seja perseguida, onde sermos conseqüentes e defendermos o que pensamos nom seja criminalizado e castigado.

Ante esta situaçom, BRIGA expressa com força e ánimo, sem medos nem complexos, que nom recuaremos, nom daremos passo nengum que nom seja em direcçom à emancipaçom da juventude trabalhadora galega.

BRIGA resposta a suposta desarticulaçon por parte da Guardia Civil

Diferentes meios do sistema tenhem anunciado hoje a "desmantelaçom" da nossa organizaçom (o que eles chamam a operaçom "cacharrom"), comunicada pola Guardia Civil. Ante a falsidade das declaraçons realizadas pola instituiçom militar, e o jogo que os meios de comunicaçom estám a fazer-lhe às mentiras difundidas, a organizaçom quer comunicar que a pretendida "desmantelaçom" reduze-se às detençons e acussaçons perpetradas estes últimos dias, devidamente reportadas na nossa página web e noutros meios alternativos. A nossa organizaçom continua totalmente activa, como demonstra o intenso trabalho informativo que está a levar nas ruas e em Internet desde o 1 de Junho.

O emprego dumha gíria policial própria de operaçons contra organizaçons armadas é um intento de intoxicar e deturpar a imagem de BRIGA. A organizaçom tem um carácter público desde a sua fundaçom em Outubro de 2004, e em nengum momento tem agochado os seus objectivos nem a sua actividade, ao contrário, sempre tratou de dar-lhe a maior difussom possível. Em plataformas, mesas redondas, concentraçons, manifestaçons, concertos e encontros vários temos publicitado quem somos e por que luitamos, polo que o intento de converter-nos agora numha organizaçom clandestina nom é mais que falácias e calúnias para criar umha imagem falsa do que somos.

Nesta agressom continuada que o PSOE vém mantendo contra @s jovens galeg@s, nom só se busca silenciar à juventude comprometida com a superaçom da penosa situaçom na que se encontram @s jovens trabalhadores/as da Galiza. Trata de ser um castigo exemplarizante para toda a esquerda real. Entre as acussaçons feitas figuram os danos e injúrias ao exército espanhol, baseadas em fotos de murais e de jovens repartindo panfletos. Na Plataforma Nom os queremos há dúzias de pessoas que entom podem ser processadas, colectivos que podem ser ilegalizados seguindo a mesma regla de três fascista que está a empregar o PSOE.

Nas notícias publicadas hoje, aponta-se também à possibilidade da clausura do web, o que se une às petiçons de registros domiciliários e aos precintos de computadores e móveis. A Guardia Civil também expressou que nom descarta novas detençons. Os factos falam por sim próprios. O governo espanhol está disposto a empregar qualquer caminho para destruir BRIGA, sem importar se este é legal ou democrático, sem respeitar nem as raquíticas concessons à liberdade de expressom que existem no Estado espanhol.

Briga